Ngiweng Bingengot

Karamihan sa mga musikero ay nararanasan ang tinatawag na ugong sa tainga. Maaaring naranasan mo na rin ito kapag ikaw ay mahilig magpaputok tuwing bagong taon. Ito ay temporary lamang at pag dating ng ilang araw ay babalik na sa normal ang iyong pandinig ngunit kung ito ay sobrang lakas maaari din naman na naapektuhan na ang iyong tainga at ito'y permanente na.

Ang ugong na ito ay maihahalintulad natin sa kuliglig na ating naririnig sa gabi. Nagkaroon ako nito limang taon na ang nakakalipas at hanggang sa ngayon ay hindi pa naalis. Noong una ay nakakainis at nais mong ito ay maalis ngunit wala kang magawa. Malakas ang ugong na ito lalo kapag tahimik ang buong paligid. Ang sanhi nito ay ang pagkahilig ko sa malakas na musika.

Nitong nakaraan ay sinubukan kong ikunsulta ito sa doktor bagamat alam kong hindi na ito maaari pang magamot. Tinnitus ang sabi ng doctor at kailangan daw ng mga test pa para lalo pang malaman kung ang ang pinagmulan nito. Kaya't pinapunta ako ng doktor sa Manila hearing aid para isailalim ang aking tainga sa pagsusulit.

Ang sabi ng doktor sa akin na ang kanang tenga ko raw ay may mild hearing loss at ang kaliwang tenga ko naman ay severe hearing loss.

"HA?!! ganun? Bingengot na pala ako?!"

At ang masaklap pa nito kailangan ko pa raw ng isa pang test para malaman kung may tumor ako sa tainga. MRI or CT scan na magkakahalaga ng P12K.

"E kung may tumor nga at natanggal na ang tumor? mawawala ba ang ugong ko sa tainga? Gaganda ba ang aking pandinig?" tanong ko sa doktor

"Yang ugong at sira ng iyong tainga ay irreversible..." sagot ng doktor

Ibig sabihin wala ng pag-asa. Kailangan ng hearing aid para gumanda ang pandinig ko yun ang tanging solusyon sa pagka bingengot ko hehehe =)

"Paano kung may tumor nga at hindi ito natanggal?" tanong ko ulit sa doktor.

"Lalaki ito ng lalaki at maaaring mangiwe ang iyong mukha..." sagot ng doktor.

OWS? Ok lang pala e, Ngiweng bingengot hehehe =)

Kaya sa mahilig sa malakas na music ingat ingat lang medyo pansinin nyo na kung may ugong ang inyong tainga. Madali lang namang malaman e pumunta ka sa tahimik na lugar tapos takpan mo ang tainga mo pakinggan mo kung may kuliglig kung meron wala ka ng magagawa dyan tinnitus yan hanggang sa matodas ka hindi maaalis yang kuliglig na yan. Ok lang hindi ka naman ngiweng bingengot na katulad ko hehehe.

Bornagain President

Maraming nagsasabi na kapag napalitan ng isang presidenteng may takot sa Dios(bornagain) ang pilipinas ay magbabago ang takbo ng pamumuhay natin. Hindi ako naniniwala sa pananaw na ito dahil si Bro. Eddie ay isang taong may takot sa Dios at may kakayahan para mamuno. Nabigyan siya ng pagkakataong kumandidato bilang pangulo ngunit siya ay natalo. Maaaring sabihin natin na natalo siya dahil may dayaang nangyari sa sistema ng ating halalan. Ngunit kung siya talaga ang pinili ng Dios upang mamuno sa ating bansa ay kahit anong kadayaan pa ang mangyari ay mananalo at mananalo siya dahil hindi kayang dayain ng sinuman ang Dios. Kaya naniniwala ako na ayaw ng Dios na mamuno ang isang bornagain sa bansang Pilipinas.

May plano ang Dios sa bansang Pilipinas kung ano iyon ay hindi natin alam. Kaya'y kung anuman ang mangyari ay tanggapin na lamang natin. Masama man o mabuti. Dahil ang lahat ng ito ay maglalakip lakip para sa ikabubuti ng mga nagmamahal sa Dios.

Ubo... ubo...

"Ubo... ubo...hay... medyo nakakarecover na ako ilang araw din akong nakaratay sa banig ng karamdaman hehehe. Halos apat na araw yata hindi ko mawari kung ano at paano ako nagkasakit ma back track nga.

July 13 - ok na ako medyo masakit pa ng konti ang lalamunan ko at may dry cough
July 12 - super sakit ng ulo at lalamunan ko namamaga yata ang tonsil ko
July 11 - super sakit ng ulo hindi masyado ang lalamunan kulay dilaw ang tingin ko sa puti
July 10 - plakda sama ng pakiramdam ko hilo hindi makatayo nilalagnat pa rin ginawa kong mani ang biogesic at strepsils =D
July 09 - parang sumasama ang pakiramdam ko at nung gabi nilagnat na ako
July 08 - ok naman sumisinghot singhot dahil sa sipon at uubo ubo kala ko pawala na kaya pinapak ko yung natitirang chocolate sa ref na parang maliliit na itlog na nakabalot sa palara
July 07-03 - medyo matindi ang sipon ko kapag suminga ako grabe ang dami hehehe
July 02 - kumain ako sa chowking at uminom ng iced tea na sandamakmak ang yelo, at pagkatapos pinunasan ko ng uhog si kyle hindi ko napansin meron palang natira sa daliri ko at naipahid ko sa ilong ko, yak! 8P
July 01 - Makisig na makisig ang pangromansa kong katawan =)