Linux

Ano nga ba yang linux na yan? Papalitan daw ang ginagamit naming windows ng linux. Bakit? tanong namin. Syempre para makatipid, ang isang lisensyadong windows ngayon e nagkakahalaga ng P5000+ sabihin nating 100 ang empleyado na gagamit ng windows magkano na yun? e paano na kung mahigit 500 ang computer na may windows sa inyong kumpanya? tsk tsk... hala lagot. Iba pa ang presyo ng msoffice doble yata ng windows. Kaya ayun sa ayaw at sa gusto kailangang magpalit ng operating system.

Aral dito aral dun research dito research dun. Medyo may kahirapan lalo na kung wala ka pa talagang kaalam alam tungkol sa linux. Nalaman ko na napakarami palang klase ng linux ang tawag dito ay distro or distributions ( http://distrowatch.com ). Kung ang windows ay may win3.1, 95, 98, nt, me, 2000, xp at vista ang linux naman ay mayroong sangdamukal na klase mahigit isang daan yata at iba iba ang gumawa mayroon ngang sariling distro ang pilipinas bayanihan ang tawag dito ( www.bayanihan.gov.ph ) .

Debian, White Box, Vector, Damn Small Linux at Bayanihan ang mga sinubukan ko. Ang pag download ang uubos ng oras mo kasi 600+ mb ang kailangan mong ma download or isang CD para sa installation kaya kailangan mabilis ang internet connection, kung hindi aabutin ka ng siyam siyam bago ma download ang isang distro ng linux.

Sa mga nasubukan ko ang Bayanihan ang pinakamaganda para siyang windows xp pero kailangan ang computer mo e mataas na klase kasi kung hindi super sa bagal ito. Damn Small linux naman ang pwede sa mga lumang computer kaso kulang sa features.

Para sa akin windows pa din ang mas maganda o baka naman hindi ko pa lang masyadong kilala ang linux? =)

Katulong

Ang hirap maghanap ng katulong ngayon sa bahay halos isang dosena na yata ang katulong na nasubukan namin. Sa dami nila e hindi ko na nga matandaan ang mga pangalan nila. Iba't ibang ugali may katangian ang mga katulong na nasubukan namin. Mayroon mabagal kumilos, may tamad, may iyakin, may dabog ng dabog, may telebabad, may txt ng txt, may malakas kumain may ayaw namang kumain, yung isa naman kumabit sa may asawa at yung kaaalis lang kahapon e pinupuslit ang gamit ng bata na matipuhan niya. Ito na yata ang pinakamalala. Apat na araw lang yata tumagal pinalayas na siya. Hindi lang yun ang isang ugali niya ay magbasa ng bible at ang bukambibig niya ay 'praise the lord' o 'thank you lord' hehehe kakaiba. Kamukat mukat namin e nawawalan na pala ng gamit yung anak naming bunso. Kaya ang hirap ding magtiwala sa tao kapag hindi mo pa talaga nakikilala. Hindi porket kristiyano at nagbabasa ng biblia ay pagtitiwalan kaagad minsan nga e yun pang mga nagbabasa ng biblia ang hindi mo dapat pagkatiwalaan.

Hay nako.... kaya ngayon wala na naman kaming katulong. Ang gulo na naman ng bahay hehehe. pero ok lang wala ka namang inaalalang katulong na hindi mo alam pagtalikod mo e undayan ka ng saksak. Tapos ang lahi mo.

Happy Birthday

Happy Birthday sa weblog ko naka 1 year na pala akong nag ba blog ng mga walang katuturan at walang kahihinatnat hehehe...